მე-9 დღე

დღეს დამთავრდა ჩვენი ტრენინგი.   სევდანარევი იყო ბოლო შეხვედრა, - ტკბილი, თბილი და მაინც რაღაცნაირად სევდიანი. არავის გვინდოდა წამოსვლა... პრეზენტაციები საინტერესო გამოვიდა. ერთმანეთს ვამხნევებდით. ნათიაც კმაყოფილი ჩანდა...  ირმას გამო ვინერვიულე, - ცუდად იყო. მაინც ყველაფერი კარგად გამოუვიდა.
 ჩვენს ნათიას და ჩემი ჯგუფის წევრებს ვეტყვი, რომ ძალიან მიყვარს ყველა და მომენატრებიან.

მე-8 დღე

მე-8 ტრენინგდღეს საქმე იქამდე მივიყვანეთ, რომ ჩვენი პროექტები, როგორც იქნა, ,,სახლში მიგვაქვს". დიახ, სახლში-ისინი ბლოგებზე გადავიტანეთ.იქამდე მოსწავლეთა ფასილიტაციის დოკუმენტი გავაკეთეთ.ბლოგზე ჩანართები დავამატეთ,-გავალამაზეთ ისინი. ხვალ პრეზენტაცია გვექნება და ამით დავამთავრებთ.

პროექტის პორტფოლიო -ზღაპრები

პროექტი-ზღაპრები

მე-7 დღე

დღესაც ვიმუშავეთ შეფასების რუბრიკებზე, გადავხედეთ გარდნერის მრავალმხრივი ინტელექტის თეორიას, შევქმენით დოკუმენტი მოსწავლეთა მხარდაჭერის მიზნით. სიტუაციური ამოცანაც განვიხილეთ და კიდევ ერთხელ დავფიქრდით ჩვენი პატარების ინტერესებსა და საჭიროებებზე. სამუშაო ბევრი გვაქვს, მაგრამ ტრენინგი რომ დასასრულს უახლოვდება, გული მწყდება...

მე-6 დღე

მეექვსე სამუშაო დღე შედარებით მსუბუქი აღმოჩნდა. ეტყობა, მივეჩვიე... ძალიან მომეწონა word-ში კომენტარების გაკეთება,-მომინდა ამ გზით მოსწავლეთა ნაშრომების გასწორება. გავეცანით viewer-ში შეფასებებს,  პროექტის გეგმაში აღვწერეთ სასწავლო პროცედურები. intel-ის შემოთავაზებები საქმეს აადვილებს.

მე-5 დღე

      ეს დღეც შრომატევადი იყო. თანდათან ვავსებთ პროექტის გეგმას. ვიმუშავეთ შეფასების ფორმებზე. აღვწერეთ პროექტის დაწყებამდე და მისი მსვლელობის დროს დაგეგმილი აქტივობების მიზნები და მნიშვნელობა. ვისწავლეთ საავტორო უფლებების დაცვით მუშაობა,-სახელმძღვანელოში ვნახეთ გამოყენებული ლიტერატურის მარტივი შაბლონი და ინტერნეში მოძიებული მასალის მისამართი გადავიტანეთ URL-ზე. შემდეგ ეს დოკუმენტი შევინახეთ D დისკზე.  ბლოგზე ავტვირთეთ ვიდეო, დავუმატეთ ჩანართები, რაც ძალიან მომწონს. მინდა, ყველა მათგანი შესაბამისად შევავსო. მინდა, დამოუკიდებლადაც გამომივიდეს ყველაფერი.

მომავლის კლასი

დღეს პროექტის გეგმის პრეზენტაციაზე ვიმუშავეთ. ნახევარი მზად არის.ის გადავიტანეთ დოკებში, შემდეგ- ბლოგზე. ადვილი არ არის,-ერთჯერ შესრულების შემდეგ ყველა ნაბიჯის თანმიმდევრულად გამეორება მიჭირს.

დღე მე-4 პროექტის გეგმის პრეზენტაცია

დღე მე-3

     გარეთ ძალიან ყინავს, მაგრამ სამუშაო ოთახში გვხვდება საოცრად თბილი და ტკბილი ნათია, შესვენებაზე გველოდება ცხელი ჩაი და ყავა, რა თქმა უნდა, სამუშაო განწყობაც უკეთესია. ვმუშაობთ სასწავლო პროექტის დაგეგმვაზე. დავიწყეთ ეროვნული სასწავლო გეგმის ჩამოქაჩვით და დამატებითი რესურსების დიდი ნაწილიც გავიცანით... დრო შეუმჩნევლად გადის... მოგვეწონა ელექტრონული ფოსტით დოკუმენტების გაზიარება... ასეთ დროს ყველა კმაყოფილია. მეც მეზარება ,,ყინვის გავლით" სახლში დაბრუნება.

დღე მე-2
   დღეს ბროშურების დამზადებაზე ვიმუშავეთ. საბოლოო სახე, რა თქმა უნდა, ვერ მივეცი. ც ო ტ ა გამიჭირდა (როგორ მიძლებს ნათია!).

დღე 1

დღეს intel-ის ტრენინგის პირველი დღეა-პროექტებით სწავლება. ვიწყებთ ელექტრონულ პორტფოლიოზე მუშაობას. ცოტა ცივა, მაგრამ იმდენად საინტერესო და აუცილებელია, რომ ,,ხალისით" ვუძლებთ.